اسپاٹ گولڈ 0.3 فیصد کمی کے ساتھ 4,694.26 ڈالر فی اونس پر آ گیا جبکہ گزشتہ ہفتے یہ 2.5 فیصد کمی کے ساتھ چار ہفتوں کی مسلسل تیزی کا سلسلہ توڑ چکا تھا۔ امریکی فیوچر گولڈ بھی 0.9 فیصد کمی کے ساتھ 4,697.60 ڈالر پر بند ہوا۔

امریکی صدر ڈونلڈ ٹرمپ نے کہا ہے کہ ایران اگر چاہے تو براہ راست رابطہ کر کے جنگ کے خاتمے کے لیے مذاکرات کر سکتا ہے، تاہم ساتھ ہی انہوں نے واضح کیا کہ ایران کو جوہری ہتھیار ہرگز حاصل نہیں کرنے دیے جائیں گے۔

ٹرمپ نے ایران کے لیے ثالثی کرنے والے ملک پاکستان کا مجوزہ دورہ بھی منسوخ کر دیا، جس سے سفارتی کوششوں کو دھچکا لگا ہے۔ اس سے قبل ایران کے وزیر خارجہ عباس عراقچی اسلام آباد سے واپس جا چکے تھے اور صرف پاکستانی حکام سے ملاقاتیں کی تھیں۔

ادھر تیل کی قیمتوں میں اضافہ، ڈالر کی مضبوطی اور اسٹاک فیوچرز میں کمی نے عالمی مالیاتی منڈیوں پر دباؤ بڑھا دیا ہے۔ سرمایہ کاروں کی نظریں اب امریکی فیڈرل ریزرو کے شرح سود کے فیصلے پر مرکوز ہیں، جو بدھ کو متوقع ہے۔

دوسری جانب چاندی، پلاٹینم اور پیلیڈیم کی قیمتوں میں بھی معمولی کمی دیکھی گئی۔ سرمایہ کار عالمی اقتصادی صورتحال اور مرکزی بینکوں کی آئندہ پالیسیوں کے حوالے سے غیر یقینی کیفیت کا شکار ہیں۔