رواں سال بھارت کی ٹی 20 ورلڈ کپ جیت میں اہم کردار ادا کرنے والے چکرورتی سے کولکتہ کو چوتھے ٹائٹل کے لیے بڑی امیدیں تھیں۔ تاہم انہوں نے ٹورنامنٹ کا آغاز مسلسل تین میچوں میں کوئی وکٹ لیے بغیر کیا تھا۔ اتوار کو راجستھان رائلز کے خلاف انہوں نے 14 رنز دے کر 3 وکٹیں حاصل کیں اور ٹیم کو سات میچوں بعد پہلی فتح دلوائی۔

چکرورتی نے کہا کہ اگر پچ میں کچھ نہ ہو تو بہترین باؤلرز بھی بے بس ہو جاتے ہیں۔انہوں نے بتایا کہ طویل عرصے بعد ملنے والی اس جیت پر ڈگ آؤٹ میں کھلاڑیوں کی آنکھوں میں آنسو تھے۔ کولکتہ اس وقت پوائنٹس ٹیبل پر نویں نمبر پر ہے۔