جے وردھنے کا کہنا تھا کہ بمراہ اچھی باؤلنگ کر رہے ہیں لیکن حریف ٹیمیں ان کے خلاف محتاط کھیل رہی ہیں اور دیگر باؤلرز کو نشانہ بنا رہی ہیں۔ انہوں نے اعتراف کیا کہ ٹیم پاور پلے میں دباؤ بڑھانے اور وکٹیں لینے میں ناکام رہی ہے۔ جے وردھنے کے مطابق ہم کرکٹ تو اچھی کھیل رہے ہیں، مگر اہم مواقع پر حریف ٹیمیں ہم سے زیادہ بہتر اور مہارت کا مظاہرہ کر رہی ہیں۔

دوسری جانب کپتان ہاردک پانڈیا نے ٹیم کی بگڑتی صورتحال پر تشویش کا اظہار کرتے ہوئے کہا کہ اب ہمیں کچھ سخت فیصلے کرنے ہوں گے، تاکہ اس ناکامی کے سلسلے کو روکا جا سکے۔ ان کا کہنا تھا کہ ٹیم کو اپنی ذمہ داری قبول کرنی ہوگی، تاکہ ٹورنامنٹ میں واپسی ممکن ہو سکے۔