امریکی صدر ڈونلڈ ٹرمپ نے جمعرات کو کہا ہے کہ اگر ایران کے ساتھ جنگ کے خاتمے کا معاہدہ اسلام آباد میں طے پا کر دستخط ہو گیا تو وہ وہاں جا سکتے ہیں، اور ان کے بقول ایران تقریباً تمام شرائط پر رضامند ہو چکا ہے۔

وائٹ ہاؤس لان میں صحافیوں سے گفتگو کرتے ہوئے، نیواڈا اور ایریزونا کے دورے پر روانگی سے قبل ٹرمپ نے ایران کے حوالے سے پرامید لہجہ اپنایا۔ انہوں نے کہا کہ آئندہ ہفتے ختم ہونے والی امریکا اور ایران جنگ بندی میں توسیع بھی کی جا سکتی ہے، تاہم اس کی ضرورت بھی پیش نہیں آ سکتی۔

ان کا مزید کہنا تھا کہ ”اگر اسلام آباد میں کوئی معاہدہ دستخط ہوا تو میں جا سکتا ہوں،“ ٹرمپ نے کہا کہ ”وہ چاہتے ہیں کہ میں آؤں۔“

انہوں نے بغیر کوئی ثبوت دیے یہ بھی کہا کہ ایران نے افزودہ یورینیم سے دستبردار ہونے پر اتفاق کر لیا ہے، جس کے بارے میں ان کا کہنا تھا کہ یہ گزشتہ سال امریکا اور اسرائیل کے فضائی حملوں کے بعد زیر زمین موجود سمجھا جاتا ہے۔ ٹرمپ ایران کے ساتھ ایسے معاہدے پر زور دے رہے ہیں جس کے تحت تہران اپنا جوہری پروگرام ترک کر دے۔