ایرانی فوج کے مرکزی کمانڈ سینٹر خاتم الانبیاء کی جانب سے جاری بیان، جو سرکاری ٹی وی پر پڑھ کر سنایا گیا، میں کہا گیا کہ بین الاقوامی پانیوں میں بحری آمدورفت اور نقل و حرکت پر امریکا کی جانب سے عائد کردہ پابندیاں غیر قانونی ہیں اور یہ قزاقی کی ایک مثال ہیں۔

بیان میں مزید کہا گیا کہ اگر خلیج فارس اور بحیرہ عرب کے پانیوں میں واقع ایران کی بندرگاہوں کی سلامتی کو خطرہ لاحق ہوا تو خلیج فارس اور بحیرہ عرب کی کوئی بھی بندرگاہ محفوظ نہیں رہے گی۔