کولکتہ نے گرین کو 2.77 ملین ڈالر کی خطیر رقم میں خرید کر آئی پی ایل کا مہنگا ترین غیر ملکی کھلاڑی بنایا تھا۔ کمر کی تکلیف سے بحالی کے باعث انہوں نے پہلے تین میچز صرف بطور بیٹر کھیلے تھے۔ لکھنؤ سپر جائنٹس کے خلاف 32 رنز کی ناقابل شکست باری کھیلنے کے بعد جب گرین بولنگ کے لیے آئے تو ایڈن گارڈنز کے تماشائیوں نے ان کا بھرپور استقبال کیا۔

گرین نے اپنے پہلے ہی اوور کی دوسری گیند پر لکھنؤ کے کپتان رشبھ پنت کو آؤٹ کیا، تاہم اس اوور میں 12 رنز پڑنے پر انہیں اٹیک سے ہٹا دیا گیا۔جب وہ دوبارہ 19 ویں اوور میں آئے تو لکھنؤ کو فتح کے لیے 12 گیندوں پر 30 رنز درکار تھے لیکن مکل چوہدری نے ان کے اوور میں 16 رنز بٹور کر میچ لکھنؤ کی گرفت میں کر دیا۔ لکھنؤ نے آخری گیند پر میچ جیت کر دو بار کی چیمپئن کولکتہ کو چوتھے میچ میں بھی فتح سے محروم رکھا۔

کولکتہ کے بیٹر روومین پاول اب بھی پرامید ہیں۔ انہوں نے کہا کہ آئی پی ایل کی تاریخ بتاتی ہے کہ وہی ٹیمیں جیتتی ہیں جو ٹورنامنٹ کے وسط یا آخری مراحل میں عروج پر ہوں۔ ابھی بہت سے میچز باقی ہیں اور ہماری قسمت ہمارے اپنے ہاتھ میں ہے۔

کولکتہ نائٹ رائیڈرز اس وقت پوائنٹس ٹیبل پر نویں نمبر پر ہے۔