آبنائے ہرمز، جہاں سے دنیا کے تیل اور ایل این جی کی بڑی مقدار گزرتی ہے، تاحال تقریباً بند ہے اور ایران کی جانب سے ناکہ بندی ختم کرنے کے کوئی آثار نظر نہیں آئے۔ ایران نے لبنان پر اسرائیلی حملوں کو اس تعطل کی بڑی وجہ قرار دیا ہے۔

امریکی صدر ڈونلڈ ٹرمپ نے سوشل میڈیا پر بیان میں کہا کہ ایران تیل کی ترسیل بحال کرنے میں ناکام رہا ہے۔ جنگ بندی کے ابتدائی 24 گھنٹوں میں صرف چند جہاز اس راستے سے گزر سکے، جو معمول کے مقابلے میں انتہائی کم ہے۔

دوسری جانب اسرائیل اور حزب اللہ کے درمیان جھڑپیں بھی جاری رہیں، جبکہ ایران نے لبنان کو بھی جنگ بندی کا حصہ قرار دیا ہے۔ پاکستان کی ثالثی میں ہونے والے اس معاہدے کے بعد ہفتہ کو امریکہ اور ایران کے درمیان اہم مذاکرات متوقع ہیں، جن میں جنگ کے خاتمے اور خطے میں استحکام پر بات چیت کی جائے گی۔