انتونیو کوسٹا کا کہنا تھا کہ توانائی کی تنصیبات سمیت کسی بھی سویلین انفرااسٹرکچر کو نشانہ بنانا عالمی قوانین کے خلاف ہے، چاہے وہ روس یوکرین جنگ ہو یا دنیا کا کوئی اور خطہ۔ انہوں نے مزید کہا کہ ایرانی عوام پہلے ہی اپنے نظام کا شکار ہیں اور فوجی مہم میں توسیع کی صورت میں بھی وہی سب سے زیادہ متاثر ہوں گے۔

یورپی یونین نے ایران پر زور دیا کہ وہ خطے کے ممالک پر حملے فوری بند کرے اور آبنائے ہرمز میں جہاز رانی کی مکمل آزادی بحال کرے۔ کوسٹا نے زور دیا کہ پانچ ہفتوں کی تباہ کن جنگ کے بعد اب یہ واضح ہو چکا ہے کہ مشرقِ وسطیٰ کے بحران کا حل صرف سفارت کاری میں ہی پنہاں ہے۔