عالمی نمبر ایک سبالینکا، جنہوں نے پورے ٹورنامنٹ میں ایک بھی سیٹ نہیں ہارا تھا، فائنل میں اپنی پہلی سروس پر 73 فیصد پوائنٹس حاصل کیے۔ یہ 2025 کے فرنچ اوپن فائنل کا ری میچ تھا جس میں گوف فاتح رہی تھیں، مگر اس بار سبالینکا نے بازی مار لی۔

سبالینکا دنیا کی صرف پانچویں خاتون کھلاڑی ہیں جنہوں نے انڈین ویلز اور مائیامی ٹائٹلز لگاتار جیتے ہیں، جسے کیلیفورنیا اور فلوریڈا میں منعقد ہونے کی وجہ سے سن شائن ڈبل کہا جاتا ہے۔ ٹرافی کی تقریب کے دوران سبالینکا نے گوف کو مخاطب کرتے ہوئے کہا تم ایک بہترین فائٹر ہو جو مجھے مزید بہتر کھلاڑی بننے پر مجبور کرتی ہو، مجھے ہمارا مقابلہ پسند ہے۔

میچ کے فیصلہ کن مرحلے پر سبالینکا نے گوف کی سروس بریک کی اور مسلسل دو سروس گیمز جیت کر 3-5 کی برتری حاصل کی اور آخر کار گوف کی بیک ہینڈ وائیڈ جانے پر اپنی فتح پر مہر ثبت کر دی۔

سبالینکا 2019 اور 2021 میں ایشلے بارٹی کے بعد مسلسل دو مائیامی ٹائٹل جیتنے والی پہلی کھلاڑی بن گئی ہیں۔ وہ ایگا سوئیٹیک، وکٹوریہ ازارینکا، کم کلسٹرز اور اسٹیفی گراف کے نقشِ قدم پر چلتے ہوئے یہ تاریخی اعزاز پانے والی بیلاروسی کھلاڑی بن گئی ہیں۔ اس سال سبالینکا کا ریکارڈ 1-23 رہا، جہاں ان کی واحد شکست آسٹریلین اوپن کے فائنل میں ہوئی۔