فی اونس اسپات گولڈ 4,503.29 ڈالر پر مستحکم رہا جبکہ اپریل کی ڈلیوری کے لیے امریکی گولڈ فیوچرز 1.2 فیصد کمی کے بعد 4,500 ڈالر پر بند ہوئے۔ ایران نے امریکی جنگ بندی کی تجویز کا جائزہ لینے کا اعلان کیا، مگر ایرانی وزیر خارجہ نے بدھ کے روز بتایا وہ جاری کشیدگی کو ختم کرنے کے لیے کوئی مذاکرات نہیں کرینگے۔

امریکہ نے اس ہفتے کے شروع میں پاکستان کے ذریعے تہران کو 15 نکاتی جنگ بندی پلان بھیجا تھا۔ وائٹ ہاؤس کی پریس سیکریٹری کیرولین لیوٹ نے کہا کہ صدر ڈونلڈ ٹرمپ ایران پر مزید سختی سے حملہ کریں گے اگر تہران عسکری طور پر شکست تسلیم نہ کرے۔

تیل کی قیمتیں بھی 100 ڈالر فی بیرل سے اوپر پہنچ گئیں، کیونکہ سرمایہ کار مشرق وسطیٰ میں کشیدگی کے کم ہونے کے امکانات پر دوبارہ غور کر رہے ہیں۔ امریکہ اور اسرائیل کی ایران پر حملوں کے آغاز کے بعد تہران نے امریکی اڈوں والے ممالک پر حملے کیے اور آبنائے ہرمز کو مؤثر طریقے سے بند کر دیا، جو عالمی تیل اور مائع گیس کی پیداوار کا 20 فیصد حصہ لے جاتا ہے۔

تیل کی بڑھتی ہوئی قیمتیں نقل و حمل اور پیداوار کے اخراجات میں اضافے کے ذریعے مہنگائی کو بڑھا سکتی ہیں۔ اگرچہ بڑھتی ہوئی مہنگائی عام طور پر سونے کی کشش کو بڑھاتی ہے، مگر بلند شرح سود غیر منافع بخش اثاثوں کی طلب پر دباؤ ڈالتی ہے۔ سی ایم ای گروپ کے فیڈ واچ ٹول کے مطابق مارکیٹ اب اس سال فیڈرل ریزرو کی کسی بھی نرم پالیسی کی توقع نہیں کر رہی۔

اس دوران اسپات سلور 0.1 فیصد کمی کے بعد 71.19 ڈالر، اسپات پلاٹینم 0.7 فیصد کمی کے بعد 1,906.90 ڈالر، اور پیلاڈیم 1.4 فیصد کمی کے بعد 1,404 ڈالر فی اونس پر بند ہوا۔