بشامون بیروت کے جنوب مشرق میں واقع پہاڑی ضلع عالیہ میں واقع ہے جہاں دروز برادری کی اکثریت آباد ہے۔ یہ علاقہ حزب اللہ کے روایتی مضبوط گڑھوں میں شامل نہیں سمجھا جاتا۔

لبنان مشرق وسطیٰ کی جاری جنگ میں اس وقت شامل ہوا جب ایران کی حمایت یافتہ تنظیم حزب اللہ نے 2 مارچ کو اسرائیل پر راکٹ حملے شروع کیے۔ یہ حملے امریکہ اور اسرائیل کی کارروائی میں ایران کے سپریم لیڈر آیت اللہ علی خامنہ ای کی شہادت کے بدلے میں کیے گئے تھے۔

اس کے بعد اسرائیل نے لبنان کے مختلف علاقوں میں فضائی حملے کیے اور جنوبی لبنان میں زمینی فوج بھی داخل کر دی۔ ان حملوں میں اب تک کم از کم 1039 افراد ہلاک ہو چکے ہیں۔

ادھر لبنان کی سرکاری خبر رساں ایجنسی کے مطابق اسرائیل نے رات بھر بیروت کے جنوبی مضافاتی علاقوں میں بھی حملے کیے، جہاں حزب اللہ کا اثر و رسوخ ہے۔ اسرائیلی جنگی طیاروں نے بیر العبد، الرویس، حارت حریک، سید ہادی نصراللہ ہائی وے، سینٹ تھریس، برج البراجنہ اور الکفاءات سمیت سات علاقوں کو نشانہ بنایا۔

اقوام متحدہ کے سیکریٹری جنرل کے ترجمان کے مطابق جاری جنگ کے باعث لبنان کے تقریباً ہر پانچ میں سے ایک شہری کو نقل مکانی پر مجبور ہونا پڑا ہے۔