نام ظاہر نہ کرنے کی شرط پر بات کرنے والے ان حکام کا کہنا تھا کہ ان کے خیال میں ایران کے لیے یہ امکان کم ہے کہ وہ امریکہ کے مطالبات کو کسی نئے مذاکراتی مرحلے میں قبول کرے گا۔ یہ مذاکرات 28 فروری کو اس وقت ختم ہو گئے تھے جب امریکہ اور اسرائیل نے ایران کے خلاف جنگی کارروائیوں کا آغاز کیا تھا۔

ان حکام کے مطابق امریکہ کے ممکنہ مطالبات میں ایران کے جوہری پروگرام اور بیلسٹک میزائل پروگرام پر پابندیاں شامل ہو سکتی ہیں۔

پیر کے روز صدر ٹرمپ نے سوشل میڈیا پر لکھا کہ امریکہ اور ایران کے درمیان مشرق وسطیٰ میں لڑائی کے مکمل خاتمے کے حوالے سے بہت اچھی اور نتیجہ خیز بات چیت ہوئی ہے۔ تاہم ایران نے ٹرمپ کے اس بیان کے بعد کہا کہ اس نوعیت کے کوئی مذاکرات نہیں ہوئے۔

ادھر اسرائیلی وزیراعظم بنیامین نیتن یاہو نے پیر کو کہا کہ ٹرمپ کا خیال ہے کہ اسرائیلی دفاعی افواج اور امریکی فوج کی کامیابیوں کو بروئے کار لاتے ہوئے جنگ کے مقاصد کسی معاہدے کے ذریعے حاصل کیے جا سکتے ہیں۔ ان کے مطابق ایسا معاہدہ اسرائیل کے اہم مفادات کا تحفظ بھی یقینی بنائے گا۔