دنیا کے اس امیر ترین ٹورنامنٹ نے کھلاڑیوں کے اوسط معاوضے اور ادائیگیوں کی شفافیت میں تو بہترین پوائنٹس حاصل کیے، لیکن تنظیم سازی کے حق اور تنازعات کے حل جیسے شعبوں میں یہ پیچھے رہ گیا۔ ڈبلیو سی اے کے چیف ایگزیکٹو ٹام موفٹ کا کہنا ہے کہ ڈومیسٹک لیگز کی ترقی کھیل کے لیے مثبت ہے مگر کھلاڑیوں کے تحفظ اور معیارات کو یقینی بنانا ضروری ہے۔

رپورٹ میں بھارتی بورڈ کی اس پالیسی پر بھی تنقید کی گئی ہے جس کے تحت وہ اپنے کھلاڑیوں کو دیگر عالمی لیگز میں شرکت سے روکتا ہے۔ آئی پی ایل کا 19 واں ایڈیشن 28 مارچ سے شروع ہو رہا ہے، جہاں دفاعی چیمپئن رائل چیلنجرز بنگلور اور سن رائزرز حیدرآباد مدمقابل ہوں گے۔