ریلوے حکام کی جانب سے جاری کردہ سرکاری شیڈول کے مطابق پہلی خصوصی ٹرین 16 مارچ کو لاہور سے کراچی کے لیے روانہ ہوگی۔ اس کے بعد 17 مارچ کو دو ٹرینیں اپنی منزلوں کی جانب گامزن ہوں گی، جن میں سے ایک کوئٹہ سے راولپنڈی اور دوسری کراچی سے پشاور کے لیے روانہ ہوگی۔ اس سلسلے کی آخری خصوصی ٹرین 18 مارچ کو کراچی سے لاہور کے لیے چلے گی۔ پاکستان ریلوے کے ترجمان نے بتایا کہ ان اضافی ٹرینوں کا مقصد روزانہ کے معمول پر چلنے والی ٹرینوں پر مسافروں کا دباؤ کم کرنا ہے۔