اسپارکو کے مطابق شوال 1447 ہجری کے نئے چاند کی پیدائش 19 مارچ کو پاکستانی وقت کے مطابق صبح 6 بجکر23 منٹ پرمتوقع ہے۔ اسی روز غروبِ آفتاب کے وقت چاند کی عمر تقریباً 12 گھنٹے 41 منٹ ہوگی، جبکہ پاکستان کے ساحلی علاقوں میں غروبِ آفتاب اور غروبِ قمر کے درمیان وقفہ تقریباً 28 منٹ ہوگا۔

ان فلکیاتی پیرامیٹرز کی بنیاد پر سپارکو کا کہنا ہے کہ 19 مارچ کی شام ہلال (چاند) نظر آنے کا امکان کم ہے۔ نتیجتاً یکم شوال 1447 ہجری بروز ہفتہ 21 مارچ کو ہونے کی توقع ہے ۔

تاہم شوال کا چاند نظر آنے کا حتمی اعلان مرکزی رویتِ ہلال کمیٹی کرے گی، جو ملک بھر سے موصول ہونے والی شہادتوں اور مشاہدات کی بنیاد پر اسلامی مہینوں کے آغاز کی تصدیق کرنے والا سرکاری ادارہ ہے۔