ٹیلی وژن پر نشر ہونے والے اپنے خطاب میں انہوں نے کہا کہ اسرائیل کے پاس ایرانی حکومت کو ختم کرنے اور دیگر اہداف حاصل کرنے کے لیے ایک منظم منصوبہ موجود ہے۔ ان کے مطابق اسرائیل اور امریکہ نے گزشتہ ہفتے تہران پر بڑے پیمانے پر حملوں کے ساتھ اس جنگ کا آغاز کیا تھا۔

بنیامین نیتن یاہو نے کہا کہ اسرائیلی عوام حکومت اور فوج سے فتح تک کارروائی جاری رکھنے کا مطالبہ کر رہے ہیں اور وہ یقین دلاتے ہیں کہ یہ جنگ پوری قوت کے ساتھ جاری رہے گی۔ انہوں نے دعویٰ کیا کہ اسرائیلی اور امریکی پائلٹس کی بمباری کے نتیجے میں ایران کے دارالحکومت تہران کی فضائی حدود پر تقریباً مکمل کنٹرول حاصل کر لیا گیا ہے۔

انہوں نے ایرانی عوام سے مخاطب ہوتے ہوئے کہا کہ فیصلہ کن لمحہ قریب ہے اور اسرائیل انہیں جبر و استبداد سے آزادی دلانے کی کوشش کر رہا ہے۔ اسرائیلی فوج کے مطابق جنگ کے پہلے ہفتے کے دوران ایران میں تقریباً 3,400 حملے کیے گئے اور لگ بھگ 7,500 گولہ بارود استعمال کیا گیا۔