کاروبار کے اختتام پرڈالر کے مقابلے میں روپیہ ایک پیسے کی بہتری سے 279.41 پر بند ہوا۔

یاد رہے کہ بدھ کو مقامی کرنسی 279.42 پر بند ہوئی تھی۔

عالمی سطح پر جمعرات کو ڈالر کی تیز رفتار پیش قدمی تھم گئی جس سے دباؤ کا شکار یورو کو کچھ راحت ملی۔ اس کی وجہ سرمایہ کاروں کے وہ کمزور مفروضے ہیں جن کے مطابق مشرقِ وسطیٰ میں جنگ توقع سے کم عرصے تک جاری رہ سکتی ہے۔

ڈالر رواں ہفتے کے آغاز میں 3 ماہ کی بلند ترین سطح پر پہنچنے کے بعد مزید نیچے آیا ہے۔

یورو 1.1628 ڈالر پر مستحکم رہا جو منگل کو گرکر 3 ماہ سے زائد کی کم ترین سطح پر آ گیا تھا جبکہ اسٹرلنگ (پاؤنڈ) کی قدر میں کوئی خاص تبدیلی نہیں آئی اور وہ 1.3368 ڈالر پر برقرار رہا۔

جمعرات کو ڈالر کی کمزوری کی وجہ سے ین کو کچھ سہارا ملا اور وہ ڈالر کے مقابلے میں 0.2 فیصد اضافے کے ساتھ 156.79 پر آ گیا۔

آسٹریلوی ڈالر نے گزشتہ سیشن میں ہونے والے 0.57 فیصد اضافے کو برقرار رکھا اور اس کی آخری قیمت 0.7068 ڈالر رہی جبکہ نیوزی لینڈ کا ڈالر معمولی کمی کے ساتھ 0.5939 ڈالر پر آگیا۔