اے ایف سی کا کہنا ہے کہ ورلڈ کپ کی کامیابی کے بعد آسٹریلیا میں انفرااسٹرکچر اور عوامی جوش و خروش پہلے سے موجود ہے، جس کی جھلک ٹکٹوں کی ریکارڈ فروخت سے بھی نظر آ رہی ہے۔ ایشیائی ٹیموں اور عالمی سطح کی ٹیموں کے درمیان بڑھتے ہوئے فرق کو کم کرنے کے لیے اے ایف سی نے حال ہی میں ویمنز چیمپئنز لیگ’ کا بھی آغاز کیا ہے، تاکہ کلب کی سطح پر کھیل کو مضبوط کیا جا سکے۔

یہ ٹورنامنٹ اس لحاظ سے بھی اہم ہے کہ یہ ورلڈ کپ کوالیفائر کے طور پر کھیلا جانے والا آخری ایشین کپ ہوگا۔ یہاں سے 6 ٹیمیں برازیل میں ہونے والے ورلڈ کپ کے لیے کوالیفائی کریں گی۔ مستقبل میں ورلڈ کپ کوالیفائرز الگ سے منعقد کیے جائیں گے، تاکہ کھلاڑیوں کو زیادہ بین الاقوامی میچز کھیلنے کا موقع مل سکے۔