دفترِ خارجہ کے ترجمان طاہر اندابی نے اپنی ہفتہ وار بریفنگ کے دوران یہ بات بتائی۔ انہوں نے کہا کہ پاکستانی افواج نے افغانستان کے صوبوں ننگرہار اور پکتیکا میں دہشت گردوں کے کیمپوں اور ٹھکانوں کو نشانہ بنایا۔

ان فضائی حملوں کے بعد وزیرِ اطلاعات و نشریات نے کہا کہ 80 سے زائد دہشت گرد ہلاک ہوچکے ہیں۔

طاہر اندابی نے اس بات کا اعادہ کیا کہ پاک افغان سرحدی علاقے میں ان 7 دہشت گرد کیمپوں اور ٹھکانوں کو انٹیلی جنس بنیاد پر منتخب کر کے نشانہ بنانے کا بنیادی مقصد پاکستانی شہریوں کے تحفظ اور سلامتی کو یقینی بنانا تھا۔ اس کا مقصد پاکستان کے خلاف، خاص طور پر ہمارے قانون نافذ کرنے والے حکام اور سرحدی علاقوں کے قریب رہنے والے شہریوں کے خلاف ہونے والے فوری دہشت گردانہ حملوں کو روکنا تھا۔

انہوں نے اس بات پر زور دیا کہ یہ حملے متناسب، ضروری احتیاط اور محتاط منصوبہ بندی پر مبنی تھے اور ان کا رخ صرف دہشت گردوں کے شناخت شدہ کیمپوں اور ٹھکانوں کی طرف تھا۔ انہوں نے مزید کہا کہ پاکستان نے افغان شہریوں کو کسی بھی قسم کے نقصان سے بچانے کے لیے انتہائی احتیاط سے کام لیا۔

انہوں نے پاکستان کے خلاف ہونے والے دہشت گردانہ حملوں کے ردِعمل میں اقوام متحدہ کی سلامتی کونسل کے بیانات کا حوالہ بھی دیا جن میں حالیہ ترین بیان اسلام آباد میں امام بارگاہ پر 6 فروری کو ہونے والے حملے کے بارے میں تھا۔

طاہر اندابی نے اس موقف کو برقرار رکھا کہ اقوام متحدہ کی سلامتی کونسل نے “بارہا اس ضرورت پر زور دیا ہے کہ دہشت گردی کی ان قابلِ مذمت کارروائیوں کے مرتکب افراد، منصوبہ سازوں، مددگاروں اور سرپرستوں کا محاسبہ کیا جائے اور انہیں انصاف کے کٹہرے میں لایا جائے۔

انہوں نے مزید کہا کہ سلامتی کونسل نے ریاستوں پر بھی زور دیا ہے کہ وہ اس معاملے میں پاکستان کے ساتھ تعاون کریں اور اس بات پر زور دیا کہ پاکستان کے اقدامات کو مذکورہ بالا تناظر میں دیکھا جانا چاہیے۔

ایک سوال کے جواب میں ترجمان نے کہا کہ پاکستان خطے میں امن کے لیے پرعزم ہے، اور انہوں نے افغان طالبان حکومت پر زور دیا کہ وہ ان ذمہ داریوں پر عمل درآمد کرے۔

تاہم اندرابی نے واضح کیا کہ پاکستان افغانستان سے ہونے والے دہشت گردانہ حملوں کے خلاف حقِ خودارادیت (اپنے دفاع کے حق) کا استعمال کرتے ہوئے تمام ضروری اقدامات کرے گا۔

انہوں نے پاکستان کے اس مطالبے کو دہرایا کہ ان دہشت گرد گروہوں کے خلاف کارروائی کی جائے جو افغان سرزمین سے مکمل آزادی اور سزا کے خوف کے بغیر اپنی سرگرمیاں جاری رکھے ہوئے ہیں۔