اس حوالے سے کمپنی نے بدھ کو اسٹاک ایکسچینج کو مطلع کیا۔

ایک نوٹس کے مطابق ایل ڈی جی مصنوعی ذہانت (اے آئی) سے لیس ڈیزائن پلیٹ فارمز، ڈیجیٹل اثاثوں کی مارکیٹ پلیسز اور ہائبرڈ ڈیزائن سروس ماڈلز چلا رہی ہے جو بین الاقوامی صارفین کو خدمات فراہم کرتے ہیں۔

سیمٹری نے بتایا کہ امریکہ میں قائم اس کمپنی کی موجودہ مالی سال میں تقریباً 0.7 ملین ڈالر یعنی 200 ملین روپے کی آمدنی متوقع ہے اور یہ کمپنی اس وقت منافع بخش سطح پر کام کر رہی ہے۔

خریداری کے بعد اخراجات میں کمی، آپریشنل کارکردگی میں بہتری اور آمدنی بڑھانے کے اقدامات کے ذریعے منافع میں مزید اضافے کی توقع ہے۔ اس کے ساتھ ہی آمدنی میں سالانہ بنیادوں پر مستحکم شرح سے اضافے کا امکان ظاہر کیا گیا ہے۔

یہ خریداری سمیٹری گروپ کی اس حکمتِ عملی کے عین مطابق ہے جس کا مقصد اپنے بین الاقوامی دائرہ کار کو بڑھانا اور اپنے پلیٹ فارم پر مبنی ڈیجیٹل صلاحیتوں کو مزید مستحکم کرنا ہے۔

سمیٹری ایک ڈیجیٹل ٹیکنالوجی اور تجربات فراہم کرنے والی کمپنی ہے جو ڈیجیٹل مصنوعات اور خدمات میں مہارت رکھتی ہے۔

پیر کے روز کمپنی نے مجموعی سرمایہ کاری کے منصوبے کی منظوری دی، جس کی مالیت 1,250 ملین روپے تک ہے، جس میں امریکہ میں واقع ٹیکنالوجی کمپنی کا حصول اور مقامی اے آئی اور ڈیٹا پر مبنی ڈیجیٹل کمپنی میں اسٹریٹجک سرمایہ کاری شامل ہے۔

کمپنی نے پیر کو مجموعی طور پر 1,250 ملین روپے (سوا ارب روپے) تک کے سرمایہ کاری کے منصوبے کی منظوری دی تھی جس میں امریکہ میں مقیم ایک ٹیکنالوجی فرم کی خریداری اور مقامی سطح پر مصنوعی ذہانت اور ڈیٹا پر مبنی ایک ڈیجیٹل کمپنی میں اسٹریٹجک سرمایہ کاری شامل ہے۔

کمپنی کا کہنا ہے کہ ان فنڈز کو آپریشنل صلاحیت بڑھانے، حال ہی میں حاصل کیے گئے طویل مدتی معاہدوں پر عمل درآمد، ٹیکنالوجی کے ڈھانچے کو مضبوط بنانے اور ورکنگ کیپیٹل کی ضروریات پوری کرنے کے لیے بھی استعمال کیا جائے گا جس کا حتمی مقصد منافع میں اضافہ کرنا ہے۔