ریگولیٹر کے مطابق نئی رجسٹرڈ اسکیمز میں دو رینٹل ریئٹ اسکیمز اور ایک انویسٹمنٹ بیسڈ ریئٹ اسکیم شامل ہے، جن کی منظوری نظرثانی شدہ رئیل اسٹیٹ انویسٹمنٹ ٹرسٹ ریگولیشنز 2022 کے تحت دی گئی ہے۔

ان نئی رجسٹریشنز کے بعد پاکستان میں رجسٹرڈ ریئٹ اسکیمز کی مجموعی تعداد بڑھ کر 28 ہو گئی ہے۔

رینٹل ریئٹ اسکیمز کا مقصد سرمایہ کاروں کے فنڈز کو آمدن پیدا کرنے والے کرایہ دار رئیل اسٹیٹ منصوبوں میں لگانا ہے، جبکہ انویسٹمنٹ بیسڈ ریئٹ اسکیمز کے ذریعے سرمایہ کار رئیل اسٹیٹ میں سرمایہ کاری سے کیپیٹل گین حاصل کر سکتے ہیں۔

رجسٹریشن کے بعد منظور شدہ ریئٹ اسکیمز اب منظور شدہ سرمایہ کاروں سے فنڈز اکٹھا کرنے کی اہل ہو گئی ہیں، جن میں مالیاتی ادارے، کارپوریٹ ادارے، انشورنس کمپنیاں اور ہائی نیٹ ورتھ افراد شامل ہیں۔

رینٹل اور انویسٹمنٹ بیسڈ دونوں ریئٹ اسکیمز کے لیے لازم ہے کہ وہ ریئل اسٹیٹ کی ملکیت ریئٹ اسکیم کے نام منتقل ہونے کی تاریخ سے ایک سال کے اندر لازمی طور پر لسٹ ہوں۔

ایس ای سی پی کے مطابق حالیہ برسوں میں ریئٹ سیکٹر میں نمایاں ترقی دیکھنے میں آئی ہے، جو جاری کنندگان اور سرمایہ کاروں کے بڑھتے ہوئے اعتماد کا مظہر ہے۔

ریگولیٹر نے مزید کہا کہ ریئٹس پاکستان کے رئیل اسٹیٹ سیکٹر میں دستاویزی عمل، باضابطگی، گورننس، شفافیت اور سرمایہ کاروں کے تحفظ کے حوالے سے ساختی اصلاحات لانے کی بھرپور صلاحیت رکھتے ہیں۔