یہ واقعہ اس وقت پیش آیا جب مسافروں سے بھری بس دھند کے باعث بے قابو ہو کر نہر میں جا گرا۔

ریسکیو 1122 کے مطابق حادثے کا شکار ہونے والے افراد کا ایک ہی خاندان سے تعلق ہے، یہ خاندان اسلام آباد سے فیصل آباد ایک جنازے میں شرکت کے لیے جا رہا تھا کہ شدید دھند کے باعث ان کی گاڑی کو حادثہ پیش آگیا۔ ریسکیو ٹیموں نے فوری طور پر موقع پر پہنچ کر امدادی کارروائیوں کا آغاز کردیا ہے۔

نو زخمی افراد کی شناخت حسنین (2 سال)، ثقلین (3 سال)، ظہیر (38 سال)، ممتاز (40 سال)، کاشف (32 سال)، ندیم (22 سال)، شمیم بی بی (55 سال)، نادیہ بی بی (45 سال) اور پروین بی بی (22 سال) کے ناموں سے ہوئی ہے۔

جاں بحق ہونے والے 14 افراد میں مشری خان (50 سال)، حلیمہ بی بی (65 سال)، یٰسین (65 سال)، سونیا بی بی (35 سال)، پٹھان بی بی (36 سال)، ہانیہ (2 سال)، ایمان فاطمہ (19 سال)، رانی بی بی (31 سال)، حاشر (2 سال)، وسیم عباس (30 سال)، حورین فاطمہ (21 سال)، انعم (2 سال)، حرم فاطمہ (4 سال) اور ثقلین (5 سال) شامل ہیں۔

ریسکیو 1122 کے حکام نے بتایا کہ زخمیوں کو ابتدائی طبی امداد فراہم کرنے کے بعد ٹی ایچ کیو اسپتال کوٹ مومن منتقل کر دیا گیا ہے۔ جاں بحق ہونے والے افراد کی لاشیں بھی اسی اسپتال منتقل کردی گئی ہیں۔ ابتدائی رپورٹس کے مطابق حادثہ شدید دھند اور تیز رفتاری کے باعث پیش آیا۔