وڈودرا میں کھیلے گئے میچ میں بھارت نے 301 رنز کا ہدف ایک اوور پہلے ہی حاصل کر لیا۔ نویں اوور میں روہت شرما کے آؤٹ ہونے کے بعد کوہلی نے دفاعی کھیل کے بجائے جارحانہ انداز اپنایا اور شبمن گل کے ساتھ 118 رنز کی شراکت قائم کی۔ 37 سالہ کوہلی، جو اب صرف ون ڈے فارمیٹ تک محدود ہیں کی یہ مسلسل پانچویں نصف سنچری تھی۔

کوہلی کا کہنا ہے کہ مشکل صورتحال میں صرف گیندیں کھیلنے کے بجائے اب وہ پہلی 20 گیندوں پر حریف ٹیم کو بیک فٹ پر دھکیلنے کو ترجیح دیتے ہیں۔

ان کے مطابق اپنے شاٹس پر بھروسہ کر کے آغاز سے ہی دباؤ بڑھانا میچ کا فیصلہ کن موڑ ثابت ہوا۔ سیریز کا دوسرا میچ اتوار کو اندور میں کھیلا جائے گا۔