دھماکا تقریباً دو بجے جی سیون ٹو سیکٹر میں واقع ایک رہائشی عمارت کے اندر اس وقت ہوا جب وہاں شادی کی تقریب جاری تھی۔ زور دار دھماکے سے علاقے میں خوف و ہراس پھیل گیا اور قریب موجود گھروں کو بھی نقصان پہنچا۔

ڈپٹی کمشنر اسلام آباد عرفان نواز میمن نے بتایا کہ ملبے تلے پھنسے تمام 19 افراد کو ریسکیو آپریشن کے دوران نکال لیا گیا۔

زخمیوں کو طبی امداد کے لیے پاکستان انسٹیٹیوٹ آف میڈیکل سائنسز (پمز) منتقل کر دیا گیا۔

ریسکیو حکام کے مطابق دھماکے کے باعث ارد گرد کے کم از کم چار گھروں کو نقصان پہنچا ہے۔

حکام نے تصدیق کی ہے کہ ریسکیو آپریشن مکمل کر لیا گیا ہے اور دھماکے کی اصل وجہ جاننے کے لیے تحقیقات شروع کر دی گئی ہیں۔