جو روٹ نے اپنی 41 ویں ٹیسٹ سنچری مکمل کرتے ہوئے 242 گیندوں پر 15 چوکوں کی مدد سے ایک معیاری اننگز کھیلی۔ انگلینڈ کا اسکور ایک موقع پر 3 وکٹوں پر 211 تھا لیکن ہیری بروک کے ساتھ روٹ کی 169 رنز کی شراکت بروک کے 84 رنز پر آؤٹ ہونے سے ختم ہو گئی۔ مائیکل نیسر نے 60 رنز دے کر 4 وکٹیں حاصل کیں اور انگلش اننگز کو سمیٹنے میں اہم کردار ادا کیا۔

جواب میں آسٹریلوی بلے باز ٹریوس ہیڈ نے جارحانہ کھیل پیش کیا اور 91 رنز بنا کر ناقابلِ شکست رہے۔ انگلینڈ کی جانب سے بین اسٹوکس نے ویدرالڈ اور مارنس لبوشین کو آؤٹ کر کے کچھ مزاحمت کی لیکن ہیڈ کو آؤٹ کرنے میں ناکام رہے۔ آسٹریلیا ابھی انگلینڈ کے اسکور سے 218 رنز پیچھے ہے اور ٹریوس ہیڈ کل اپنی سنچری مکمل کرنے کی کوشش کریں گے۔