سرکاری رپورٹ کے مطابق وزیر داخلہ نے یہ اعلان کیپٹل اسمارٹ سٹی منصوبے پر کام تیز کرنے کی ہدایت دیتے ہوئے کیا۔ اس موقع پر وزیر مملکت برائے داخلہ طلال چوہدری بھی ان کے ہمراہ تھے۔

محسن نقوی نے کیپٹل اسمارٹ سٹی منصوبے کو ایک مثالی منصوبہ قرار دیتے ہوئے کہا کہ اس کا مقصد اسلام آباد کو ملک کا محفوظ ترین شہر بنانا ہے۔

انہوں نے وضاحت کی کہ اس منصوبے کے تحت ریسکیو 1122، ٹریفک مینجمنٹ اور سکیورٹی سمیت تمام اہم شہری سہولیات کو ایک مرکزی اور مربوط نظام میں یکجا کیا جائے گا۔

وزیرِ داخلہ نے اس عزم کا اظہار بھی کیا کہ اسمارٹ سٹی کے تصور کو مستقبل میں پورے ملک تک توسیع دی جائے گی۔

انہوں نے کہا کہ اسلام آباد پاکستان کا پہلا اسمارٹ سٹی بنے گا، وزیر داخلہ نے اسلام آباد سیف سٹی کو کیپٹل اسمارٹ سٹی بنانے کا جامع پلان طلب کر لیا۔

اس موقع پر انسپکٹر جنرل اسلام آباد پولیس نے منصوبے کی ترقی سے متعلق درپیش مسائل اور پیچیدگیوں پر تفصیلی بریفنگ دی۔

وزیر داخلہ نے کنٹرول روم میں موجود مانیٹرنگ سسٹم کا جائزہ بھی لیا اور خصوصی چینی ڈیسک پر قائم سیکیورٹی نگرانی کے انتظامات کا معائنہ کیا۔