آئی ایس پی آر کے مطابق ٹانک اور لکی مروت میں ہونے والی ان کارروائیوں کے دوران اسلحہ اور گولہ بارود بھی قبضے میں لیا گیا۔

انہوں نے بتایا کہ بھارتی پراکسی فتنہ الخوارج سے تعلق رکھنے والے دہشت گردوں کو 5 دسمبر کو مارا گیا۔

ترجمان کے مطابق ٹانک میں سیکیورٹی فورسز نے خفیہ معلومات کی بنیاد پر آپریشن کیا۔ آپریشن کے دوران فائرنگ کے تبادلے میں فتنہ الخوارج سے تعلق رکھنے والے 7 دہشتگرد مارے گئے۔ علاقے کو کلیئر کر دیا گیا جبکہ اہم اسلحہ و گولہ بارود بھی برآمد کیا گیا۔

لکی مروت میں بھی ایک اور انٹیلیجنس آپریشن کیا گیا جس میں فائرنگ کے تبادلے کے دوران 2 اور خوارج کو سیکورٹی فورسز نے ہلاک کردیا۔

آئی ایس پی آر کا کہنا ہے کہ مارے گئے بھارتی اسپانسرڈ خوارج سے اسلحہ و گولہ بارود برآمد ہوا ہے۔ مارے گئے خوارج دہشت گردانہ کارروائیوں میں ملوث تھے۔

آئی ایس پی آر نے کہا کہ بھارتی اسپانسرڈ خوارج کے نیٹ ورک کے مکمل خاتمے کے لیے کلیئرنس آپریشن جاری ہے۔