دفترخارجہ کے اہلکاروں نے واضح کیا کہ گرفتار شدہ شخص لقمان خان ہے، جو امریکی و افغان شہریت رکھتا ہے اور پاکستانی نہیں ہے۔ اس نے پاکستان میں بطور پناہ گزین چند سال گزارے، لیکن کبھی پاکستانی شہریت حاصل نہیں کی۔ لقمان خان نے اپنی زندگی کا زیادہ حصہ امریکہ میں گزارا اور وہ یونیورسٹی آف ڈیلاویئر کا طالب علم ہے۔ اس نے بچپن میں افغانستان اور افغان پناہ گزین کیمپوں میں بھی وقت گزارا۔

دفترخارجہ کے ترجمان نے کہا کہ بھارتی میڈیا نے پاکستان کو بدنام کرنے کے لیے یہ بے بنیاد خبریں پھیلائیں۔ انہوں نے میڈیا اداروں سے کہا کہ حساس خبروں کی تصدیق کیے بغیر نشر نہ کریں۔

امریکی حکام کے مطابق، لقمان خان کو 24 نومبر کو ڈیلویئر میں غیر قانونی اسلحہ رکھنے اور حملے کی منصوبہ بندی کے الزامات پر گرفتار کیا گیا۔ پولیس نے اس کے گھر اور گاڑی سے ہتھیار، گولیاں، میگزین، بارود اور حملے کی منصوبہ بندی کے دستاویزات برآمد کیں۔

ترجمان دفتر خارجہ نے زور دے کر کہا کہ لقمان خان پاکستانی نہیں ہے اور امریکہ و افغانستان کے شہری ہیں۔ انہوں نے پاکستان کے اس معاملے یا الزامات سے کوئی تعلق نہ ہونے پر بھی زور دیا۔

اہلکاروں نے غیر ذمہ دارانہ رپورٹنگ پر تشویش کا اظہار کیا اور میڈیا سے اپیل کی کہ بین الاقوامی حساسیت کے حامل واقعات کی رپورٹنگ میں احتیاط برتی جائے۔