سنائے تاکایچی نے اعلان کیا کہ وہ ٹرمپ کو نوبل امن انعام کے لیے نامزد کریں گی۔ وائٹ ہاؤس کی ترجمان کے مطابق سناے تاکایچی نے امریکہ کے ساتھ 550 ارب ڈالر کے سرمایہ کاری معاہدے کے تحت شپ بلڈنگ، سویا بین، قدرتی گیس اور امریکی پک اپ ٹرکوں کی خریداری میں اضافہ کرنے کا وعدہ کیا۔

سناے تاکایچی نے چین کی بڑھتی جارحیت کے پیش نظر دفاعی بجٹ کو مجموعی قومی پیداوار (جی ڈی پی) کے 2 فیصد تک بڑھانے کے منصوبے کو تیز کرنے کا اعلان کیا۔ ٹرمپ نے ملاقات کے دوران کہا کہ یہ ایک مضبوط مصافحہ ہے، اور مجھے یقین ہے کہ آپ جاپان کی عظیم وزیر اعظم ثابت ہوں گی۔سناے تاکایچی نے ٹرمپ کو شنزو آبے کا گولف پٹر، جاپانی کھلاڑی ہیدی کی ماتسویاما کے دستخط شدہ گولف بیگ اور سونے کی پتی سے مزین گیند تحفے میں دی۔

دونوں رہنماؤں نے اہم معدنیات اور نایاب دھاتوں کی فراہمی کے معاہدے پر دستخط کیے، جس کا مقصد چین پر انحصار کم کرنا اور بیٹریوں، میگنیٹس اور دفاعی آلات کے لیے ضروری مواد کی مشترکہ پیداوار اور ذخیرہ بڑھانا ہے۔ ٹرمپ نے جاپان کی امریکی دفاعی سازوسامان کی خریداری کی تعریف کرتے ہوئے اسے دونوں ممالک کے درمیان تعلقات کو مزید مضبوط بنانے کی سمت اہم قدم قرار دیا۔

ٹرمپ اور تاکایچی بعد ازاں یوکوسوکا میں امریکی بحری اڈے کا دورہ کریں گے، جو طیارہ بردار بحری جہاز یو ایس ایس جارج واشنگٹن کا مرکز ہے۔ اس کے بعد ٹرمپ جنوبی کوریا روانہ ہوں گے، جہاں وہ چینی صدر شی جن پنگ سے ملاقات میں تجارتی جنگ کے خاتمے پر بات چیت کریں گے۔