ڈاکٹر کرن نے کہا کہ چینی کی مقررہ قیمت پر فراہمی حکومت کی ترجیح ہے اور سفارشات وفاق تک پہنچائی جائیں گی۔

ملاقات میں ایڈیشنل سیکرٹری آپریشنز، ڈپٹی سیکرٹری اور کین کمشنر کے افسران بھی موجود تھے۔

ادھر فوڈ ڈیپارٹمنٹ نے کرپشن، غلط رپورٹنگ اور نااہلی پر چھ افسران کو شوکاز نوٹس جاری کیے ہیں۔ تحقیقات کے مطابق سیالکوٹ دفتر میں گندم اسٹاک کے غلط اعداد و شمار درج کیے گئے۔

سابق ڈسٹرکٹ فوڈ کنٹرولر تنویر حیدر، کلرک یاسین و احسان اور انسپکٹرز شفیق و عمران پر غفلت اور غلط رپورٹنگ کا الزام ہے۔ متعلقہ افسران سے سات دن میں وضاحت طلب کی گئی ہے۔