2025 کی درجہ بندی میں پاکستان 106 ممالک میں سے 102 ویں نمبر پر ہے، جو یمن کے برابر ہے اور صرف عراق، شام اور افغانستان سے بہتر ہے۔

انڈیکس کے مطابق پاکستانی پاسپورٹ ہولڈرز 227 ممالک میں سے صرف 31 ممالک تک ویزہ فری یا ویزہ آن ارائیول رسائی حاصل کر سکتے ہیں، جبکہ عراق 29، شام 26 اور افغانستان صرف 24 مقامات تک محدود ہے۔

پاکستانی پاسپورٹ کی کارکردگی گزشتہ چند برس میں مسلسل کمزور رہی ہے۔ 2024 اور 2023 میں یہ 100 ویں نمبر پر تھا، 2022 میں 109 ویں اور 2021 میں 107 ویں نمبر پر رہا۔

انڈیکس کے دوسرے سرے پر سنگاپور 193 مقامات تک ویزہ فری رسائی کے ساتھ پہلے نمبر پر ہے، اس کے بعد جنوبی کوریا 190 اور جاپان 189 مقامات تک ویزہ فری رسائی کے ساتھ ہیں۔

یورپی ممالک جیسے جرمنی، اٹلی، اسپین، لکسمبرگ اور سوئٹزرلینڈ 187 مقامات تک رسائی کے ساتھ اوپر ہیں۔

دلچسپ بات یہ ہے کہ انڈیکس کی 20 سالہ تاریخ میں پہلی بار امریکہ ٹاپ 10 سے باہر ہو گیا اور 180 مقامات تک رسائی کے ساتھ 12 ویں نمبر پر آگیا۔

برطانیہ آٹھویں نمبر پر اور متحدہ عرب امارات 184 مقامات تک رسائی کے ساتھ اسی پوزیشن پر موجود ہے۔