ایک بیان میں وزیر اعظم شہباز شریف نے کہا ہے کہ وہ اس بات پر قائل ہیں کہ صدر ٹرمپ اس ”انتہائی اہم اور فوری تفہیم“ کو حقیقت میں تبدیل کرنے کے لیے ہر ممکن مدد کے لیے تیار ہیں۔

انہوں نے ٹرمپ کی قیادت کی بھی تعریف کی اور تنازع کے خاتمے کی کوششوں میں خصوصی ایلچی اسٹیو وِٹکوف کے کردار کو تسلیم کیا ہے۔

اسلام آباد کے دیرینہ موقف کو دہراتے ہوئے وزیراعظم نے اس بات پر زور دیا ہے کہ مشرق وسطیٰ میں پائیدار امن کو یقینی بنانے کے لیے دو ریاستی حل پر عمل درآمد ضروری ہے۔

یہ ریمارکس اس وقت سامنے آئے ہیں جب شہباز شریف نے واشنگٹن ڈی سی میں امریکی صدر ڈونلڈ ٹرمپ کے ساتھ اپنی ملاقات کو پاکستان اور امریکہ کے درمیان دو طرفہ تعلقات کو مضبوط بنانے کے لیے ”انتہائی تعمیری“ اور نتیجہ خیز قرار دیا تھا۔

انہوں نے کہا کہ امریکی صدر نے انہیں دوطرفہ اقتصادی تعاون کو آگے بڑھانے کی یقین دہانی کرائی ہے۔ انہوں نے پاک بھارت جنگ بندی میں صدر ٹرمپ کے اہم کردار کو بھی سراہا۔

پاکستان نے میکرو اکنامک استحکام حاصل کر لیا ہے اور اسے ترقی کی رفتار پر لے جانے کے لیے انتھک کوششیں کی جا رہی ہیں۔

اگرچہ حالیہ سیلاب نے تباہی مچا دی ہے لیکن ہم اس صورتحال سے نکلنے اور ملک کو آگے لے جانے کے اپنے عزم پر پختہ ہیں۔