اعدادوشمار سے ظاہر ہوتا ہے کہ ہر فرد کا قرضہ 2014 میں 90,047 روپے سے بڑھ کر 2024 میں 318,252 روپے تک پہنچ گیا ہے جو اوسطاً سالانہ 13 فیصد کی شرح نمو کو ظاہر کرتا ہے۔

ملک کا پبلک ڈیٹ ٹو جی ڈی پی تناسب اب 70.2 فیصد پر پہنچ گیا ہے جو کہ فِسکل ریسپانسبلیٹی اینڈ ڈیٹ لمٹیشن ایکٹ 2005 کے تحت مقررہ قانونی حد 60 فیصد سے کہیں زیادہ ہے۔ علاقائی موازنہ میں پاکستان سری لنکا (96.8 فیصد) کے بعد دوسرے نمبر پر ہے اور تھائی لینڈ (61.1 فیصد)، بھارت (57.1 فیصد)، انڈونیشیا (40.2 فیصد)، اور بنگلہ دیش (36.4 فیصد) سے زیادہ ہے۔

رپورٹ میں متعدد خطرے کی گھنٹیوں کو اجاگر کیا گیا ہے: 2020 سے اب تک روپے کی 71 فیصد قدر میں کمی، مالی سال 2023-24 میں 22 فیصد کی بلند ترین شرح سود اور قرض کی پائیداری کی حدوں کی مسلسل خلاف ورزی۔ ای پی بی ڈی نے خبردار کیا ہے کہ پاکستان ایک قرض کے جال میں پھنسا ہوا ہے، جہاں زیادہ شرح سود کرنسی کی قدر میں کمی کو ہوا دیتی ہے، جو بدلے میں قرض کے بوجھ میں اضافہ کرتی ہے اور یہ خوفناک چکر مسلسل جاری ہے۔

تھنک ٹینک نے صورتحال کو مکمل بحران میں تبدیل ہونے سے روکنے کے لیے فوری مالی اصلاحات، برآمدات میں اضافہ اور قرض کی از سر نو ترتیب کے اقدامات پر زور دیا۔

کاپی رائٹ بزنس ریکارڈر 2025