انہوں نے یہ بات منگل کے روز اقوام متحدہ کی 80ویں جنرل اسمبلی اجلاس کے موقع پر ہنگری کے وزیر خارجہ پیٹر سییارتو سے ملاقات کے دوران کہی۔

ملاقات میں دونوں وزرائے خارجہ نے دو طرفہ تعلقات کو مزید مستحکم بنانے کے عزم کا اعادہ کیا۔ اسحاق ڈار نے ہنگری میں سرمایہ کاری کے فروغ کے لیے اسلام آباد کی جانب سے کیے گئے اقدامات سے اپنے ہم منصب کو آگاہ کیا اور ان روابط کو مزید فروغ دینے پر زور دیا ہے۔

پیٹر سییارتو نے وزیر اعظم شہباز شریف اور اسحاق ڈار کا شکریہ ادا کیا کہ انہوں نے ہنگری کی کمپنیوں کو پاکستان میں سرمایہ کاری پر آمادہ کرنے میں ذاتی دلچسپی اور تعاون فراہم کیا۔

دونوں وزرائے خارجہ نے باہمی سرمایہ کاری کے تحفظ اور سول ایوی ایشن میں تعاون سے متعلق معاہدوں کو جلد حتمی شکل دینے کے عزم کا اظہار کیا، ساتھ ہی پاکستان اور ہنگری کے درمیان براہِ راست پروازوں کے آغاز پر بھی اتفاق کیا گیا۔

ملاقات میں دونوں ممالک کے درمیان سفارتی و سرکاری پاسپورٹ رکھنے والوں کے لیے ویزا ختم کرنے کے معاہدے کو بھی زیرِ غور لایا گیا۔

اسحاق ڈار نے پاکستانی طلبہ کے لیے 400 اسکالرشپس فراہم کرنے پر ہنگری کا شکریہ ادا کیا جبکہ پیٹر سییارتو نے پاکستانی نوجوانوں کو تعلیمی مواقع فراہم کرنے کے اپنے ملک کے عزم کو دہرایا۔

ملاقات میں علاقائی و عالمی امن و سلامتی سے متعلق امور پر بھی تبادلہ خیال کیا گیا۔