اتھارٹی کے مطابق اس پیشگوئی سے مقامی ندی نالوں اور دریا کے کنارے نشیبی علاقوں میں اچانک سیلابی صورتحال پیدا ہونے کا خدشہ ہے۔

صوبے بھر کے کمشنرز اور ڈپٹی کمشنرز کو ہائی الرٹ رہنے اور تمام احتیاطی انتظامات مکمل رکھنے کی ہدایت جاری کر دی گئی ہے۔

پی ڈی ایم اے نے شہریوں کو تاکید کی ہے کہ وہ پیشگوئی کے دوران دریاؤں اور آبی گزرگاہوں کے قریب تفریحی سرگرمیوں سے گریز کریں، کیونکہ شدید بارشوں کے باعث خطرناک ریلے پیدا ہو سکتے ہیں۔

حکام کا کہنا ہے کہ ریسکیو اور ایمرجنسی ٹیموں کو ہر ممکن صورتِ حال کا فوری اور مؤثر جواب دینے کے لیے چوکس رہنے کی ہدایت دی گئی ہے۔