یہ پیش رفت اس وقت سامنے آئی ہے جب امریکی صدر ڈونلڈ ٹرمپ نے برازیلی درآمدات پر 50 فیصد ٹیرف عائد کر دیے ہیں۔ اب تک برازیل نے معاملے پر صرف عالمی تجارتی تنظیم (ڈبلیو ٹی او) میں مشاورت کا عمل شروع کیا تھا، تاہم صدر لوئیز اناسیو لولا دا سلوا نے حالیہ دنوں امریکہ کے خلاف اس قانون کے استعمال کی منظوری دے دی ہے۔

ذرائع کے مطابق کیمیکس کے پاس اس معاملے پر رپورٹ تیار کرنے کے لیے 30 دن ہوں گے، جس کے بعد حکومتی ورکنگ گروپ یہ فیصلہ کرے گا کہ کن شعبوں کو نشانہ بنایا جائے۔ توقع ہے کہ امریکہ کو جمعہ کے روز اس عمل کے آغاز کے بارے میں باضابطہ اطلاع دی جائے گی۔

امریکہ نے رواں ماہ برازیلی مصنوعات پر 50 فیصد ٹیرف لگائے ہیں۔ تاہم سنگترے کے جوس اور ہوائی جہاز جیسے بڑے برآمدی شعبوں کو ان اضافی ڈیوٹیوں سے استثنیٰ دیا گیا ہے۔

برازیلی حکام کا کہنا ہے کہ ان کے پاس امریکی ہم منصبوں کے ساتھ مذاکرات کی گنجائش محدود ہے، جس پر وہ کھلے عام شکایت کر چکے ہیں۔