بعد ازاں حوثی گروپ کے فوجی ترجمان، یحییٰ سریع، نے دعویٰ کیا کہ اُن کے گروہ نے اسرائیل پر میزائل حملہ کیا ہے۔

ایران نواز یہ گروہ، جو یمن کے سب سے زیادہ آبادی والے علاقوں پر قابض ہے، غزہ میں فلسطینیوں سے یکجہتی کے اظہار کے طور پر اسرائیل پر حملے اور سمندری راستوں پر کارروائیاں کرتا رہا ہے۔

تاہم، ان کے داغے گئے زیادہ تر میزائل اور ڈرون یا تو روک لیے گئے یا اپنے ہدف تک پہنچنے سے پہلے ہی گر گئے۔

اسرائیل نے ان حملوں کے جواب میں متعدد جوابی فضائی کارروائیاں کی ہیں۔