گیڈون سار نے صحافیوں کو بتایا کہ اگر اسرائیل جنگ اس وقت ختم کرے جب حماس اب بھی غزہ میں اقتدار میں ہے اور یرغمالیوں کو حراست میں رکھے ہوئے ہے تو یہ اسرائیلیوں اور فلسطینیوں دونوں کے لیے ایک سانحہ ہوگا۔

انہوں نے کہا کہ یہ کبھی نہیں ہوگا، چاہے اسرائیل پر کتنا ہی دباؤ کیوں نہ ڈالا جائے۔

اسرائیل تقریباً 22 ماہ سے حماس کے خلاف غزہ میں فوجی مہم چلا رہا ہے، جو 7 اکتوبر 2023 کو فلسطینی گروپ کے خونریز سرحد پار حملے کے بعد شروع ہوئی تھی۔

حالیہ ہفتوں میں بین الاقوامی دباؤ میں اضافہ ہوا ہے کہ جنگ بندی کی جائے تاکہ امدادی ایجنسیاں غزہ میں غذائی امداد پہنچا سکیں اور اس قحط کو روک سکیں، جسے اقوامِ متحدہ کے حمایت یافتہ مانیٹر نے اب تیزی سے بڑھتا ہوا قرار دیا ہے۔

گیڈون سار نے کہا کہ جب وہ ہم سے کہتے ہیں کہ جنگ ختم کرو، تو اس کا اصل مطلب کیا ہے؟ جنگ ختم کرنا جبکہ حماس اب بھی غزہ پر قابض ہے؟’’

گیڈون سار نے ان اقدامات پر بھی ردعمل ظاہر کیا جو بعض غیرملکی دارالحکومتوں، بشمول پیرس، نے اسرائیل-فلسطین تنازع کے دو ریاستی حل کو دوبارہ زندہ کرنے کے لیے کیے ہیں۔

انہوں نے کہا کہ فرانس کے وزیرِ خارجہ نے کل نیویارک میں کہا کہ یورپ کو اسرائیل پر دو ریاستی حل قبول کرنے کے لیے دباؤ ڈالنا چاہیے۔ آج فلسطینی ریاست کا قیام دراصل ایک حماس ریاست کا قیام ہے۔ یہ کبھی نہیں ہوگا