مشترکہ بیان میں کہا گیا کہ ہم فریقین اور عالمی برادری سے اپیل کرتے ہیں کہ فوری، غیر مشروط اور مستقل جنگ بندی کے ذریعے اس خوفناک تنازعے کے خاتمے کے لیے متحد ہو کر کام کریں۔

انہوں نے مزید کہا کہ مزید خونریزی کا کوئی مقصد نہیں۔ ہم اس مقصد کے لیے امریکہ، قطر اور مصر کی کوششوں کی مکمل حمایت کا اعادہ کرتے ہیں۔

بیان کے دستخط کنندگان — جن میں جاپان، یورپی یونین کے کئی ممالک، سوئٹزرلینڈ اور نیوزی لینڈ بھی شامل ہیں — نے کہا کہ وہ فوری جنگ بندی کی حمایت میں مزید اقدامات اٹھانے کے لیے تیار ہیں۔

بیان میں اسرائیل کی حمایت یافتہ متنازعہ غزہ ریلیف کوشش کو خطرناک قرار دیتے ہوئے کہا گیا کہ یہ غزہ کے عوام کو انسانی وقار سے محروم کرتی ہے۔