اس سے قبل یہ ٹینڈر 3 لاکھ سے 5 لاکھ میٹرک ٹن چینی کی خریداری کے لیے جاری کیا گیا تھا۔

قیمتوں کی پیشکش جمع کرانے کی آخری تاریخ کو بھی 18 جولائی سے بڑھا کر 22 جولائی کر دیا گیا ہے۔

اس ٹینڈر میں اب چینی کی شپمنٹ 2 عدد 25,000 ٹن کی کنسائنمنٹس میں مانگی گئی ہے، جن کی لوڈنگ یکم اگست سے 15 اگست کے درمیان ہو گی۔ تمام خریدی گئی مقدار 30 اگست تک پاکستان پہنچنی چاہیے۔

واضح رہے کہ پاکستانی حکومت نے 8 جولائی کو قیمتوں میں استحکام لانے کے لیے 5 لاکھ ٹن چینی درآمد کرنے کی منظوری دی تھی۔ مارکیٹ ماہرین کا کہنا ہے کہ جنوری کے بعد سے ملک میں خوردہ سطح پر چینی کی قیمتوں میں نمایاں اضافہ ہوا ہے۔