یہ پیشرفت کمپنی نے منگل کے روز پاکستان اسٹاک ایکسچینج (پی ایس ایکس) کو اپنے نوٹس میں بتائی۔

نوٹس میں کہا گیا کہ فاسٹ کیبلز لمیٹڈ یہ اعلان کرتے ہوئے خوشی محسوس کر رہی ہے کہ اسے ابوظہبی نیشنل انرجی کمپنی (ٹی اے کیو اے) کی جانب سے منظور شدہ وینڈر کے طور پر سرٹیفائی کیا گیا ہے۔“

ٹی اے کیو اے ایک متحدہ عرب امارات (یواے ای) کی متنوع یوٹیلیٹی اور توانائی کی کمپنی ہے، جو توانائی اور پانی کی پیداوار، ترسیل اور تقسیم، اور پائیدار واٹر سلوشنز میں سرگرم ہے۔

یہ کمپنی توانائی کے مکمل سلسلے میں کام کرتی ہے، جس میں اپ اسٹریم اور مڈ اسٹریم آئل و گیس سے لے کر بجلی کی پیداوار تک شامل ہے۔

ٹی اے کیو اے کی سرگرمیاں متعدد ممالک میں پھیلی ہوئی ہیں، جن میں متحدہ عرب امارات، نیدرلینڈز، برطانیہ، گھانا، بھارت، عراق، مراکش، شمالی امریکا، اور سعودی عرب شامل ہیں۔

فاسٹ کیبلز کے نوٹس کے مطابق ٹی اے کیو اے دنیا بھر میں اسٹریٹجک منصوبوں کے لیے شاندار توانائی کے بنیادی ڈھانچے، جدید ترین ٹیکنالوجی، اور عالمی معیار کی آپریشنل مہارت فراہم کرتی ہے، جو پائیدار ترقی اور عالمی توانائی تحفظ کو فروغ دیتی ہے۔

ٹی اے کیو اے کی منظور شدہ وینڈر کی حیثیت حاصل کرنے کے بعد، فاسٹ کیبلز اب اس قابل ہو گئی ہے کہ وہ ٹی اے کیو اے کے علاقائی اور بین الاقوامی توانائی منصوبوں کے لیے جدید، اعلیٰ کارکردگی کی حامل کیبل سلوشنز فراہم کر سکے۔

نوٹس میں مزید کہا گیا کہ یہ پیشرفت فاسٹ کیبلز کو اس قابل بناتی ہے کہ وہ بنیادی صنعتی ضروریات کو بے مثال بھروسا، جدت، اور معیار کے ساتھ پورا کرے، جس سے عالمی سطح پر توانائی کے شعبے میں بڑے پیمانے پر بنیادی ڈھانچے کے منصوبوں میں آپریشنل مہارت اور ترقی ممکن ہو سکے گی۔