ریڈیو پاکستان نے ذرائع کے حوالے سے رپورٹ کیا ہے کہ اس فورس کا نام بدل کر فیڈرل کانسٹیبلری رکھا جائے گا۔

فیڈرل کانسٹیبلری کو چاروں صوبوں، اسلام آباد، آزاد جموں و کشمیر اور گلگت بلتستان میں کام کرنے کا اختیار دیا جائے گا۔

تنظیم نو فریم ورک کے تحت، فیڈرل کانسٹیبلری کی کمانڈ پولیس سروس آف پاکستان کے افسران کریں گے۔

ذرائع نے بتایا کہ فیڈرل کانسٹیبلری کے قیام سے ملکی داخلی سلامتی اور امن عامہ کا قیام یقینی بنانے میں خاطر خواہ مدد ملے گی۔