وفاقی وزیر خزانہ و محصولات محمد اورنگزیب نے گرانٹس اور منظوری کی درخواستوں سمیت واجب الادا اخراجات ایوان میں بحث کے لیے پیش کیے۔

اپوزیشن اراکین نے گرانٹس کی درخواستیں پیش کرنے پر الیکشن کمیشن آف پاکستان (ای سی پی) کو سخت تنقید کا نشانہ بنایا اور الزام عائد کیا کہ کمیشن ملک میں آزاد، منصفانہ اور شفاف انتخابات کرانے میں ناکام رہا ہے۔

قومی اسمبلی میں پیش کیے گئے دستاویزات کے مطابق مالی سال 2025-26 کے لیے 14 کھرب روپے مقامی قرضوں کی واپسی، 7.197 کھرب روپے مقامی قرضوں پر سود کی ادائیگی، 5.48 کھرب روپے غیر ملکی قرضوں کی واپسی، 1.01 کھرب روپے غیر ملکی قرضوں پر سود، 9.869 ارب روپے انتخابات، 6.65 ارب روپے سپریم کورٹ، 2.17 ارب روپے اسلام آباد ہائی کورٹ، 774.95 ارب روپے بیرونی ترقیاتی قرض و ایڈوانسز، 6.85 ارب روپے قومی اسمبلی، 6.174 ارب روپے سینیٹ اور 1.76 ارب روپے صدرِ مملکت کے ذاتی عملے، گھریلو اخراجات اور الاؤنسز کے لیے مختص کیے گئے ہیں۔

دستاویزات کے مطابق، 1.64 ارب روپے وفاقی محتسب کے لیے، 5.93 ارب روپے پنشن اور سپر انویوایشن الاؤنس کے لیے، 60 ارب روپے گرانٹس، سبسڈیز اور متفرق اخراجات کے لیے، 9 ارب روپے آڈٹ کے لیے، 199.8 ارب روپے قلیل مدتی غیر ملکی قرضوں کی واپسی کے لیے اور 93.374 کروڑ روپے صدرِ مملکت کے عوامی عملے، گھریلو اخراجات اور الاؤنسز کے لیے مختص کیے گئے ہیں۔

کاپی رائٹ بزنس ریکارڈر 2025