ایران کی سرکاری میڈیا کے مطابق ایرانی فورسز نے ہفتے کو شمال مغرب میں اسرائیل کی جانب سے جاسوسی کے مشن پر بھیجے گئے اسرائیلی ڈرونز مار گرائے جب کہ دونوں جانب سے فائرنگ کا تبادلہ بدستور جاری ہے۔

سرکاری ٹی وی کے مطابق ایرانی فورسز نے سلماس کے سرحدی علاقے میں کامیابی سے اسرائیلی ڈرونز کو مار گرایا، یہ ڈرونز ملک کی فضائی حدود کی خلاف ورزی کر رہے تھے۔

یہ ڈرونز جاسوسی اور نگرانی کے مشن پر ایرانی فضائی حدود میں داخل ہوئے تھے۔