بیان میں کہا گیا ہے کہ امریکی سفیر نے یہ بات منگل کو پاکستان کے وزیر اعظم شہباز شریف سے ملاقات کے دوران کہی۔

وزیراعظم کے دفتر کی جانب سے جاری بیان میں کہا گیا ہے کہ امریکی ناظم الامور نے ان کے استقبال پر وزیراعظم کا شکریہ ادا کیا اور کہا کہ نئی امریکی انتظامیہ دوطرفہ تعلقات کو مضبوط بنانے کے لیے مشترکہ مقاصد کے حصول کے لیے پاکستان کے ساتھ مل کر کام کرے گی۔

بیان میں کہا گیا ہے کہ ملاقات کے دوران وزیراعظم نے باہمی دلچسپی کے دیگر شعبوں میں تجارت بڑھانے کے ساتھ ساتھ آئی ٹی، زراعت، صحت، تعلیم اور توانائی کے شعبوں میں تعاون بڑھانے کی ضرورت پر زور دیا۔

وزیراعظم شہباز شریف نے اس بات پر بھی زور دیا کہ دونوں ممالک کو داعش اور فتنہ الخوارج (ایف اے کے) کے خطرے سے نمٹنے کے لیے انسداد دہشت گردی کے شعبے میں قریبی تعاون جاری رکھنے کی ضرورت ہے۔

بیان میں مزید کہا گیا ہے کہ دونوں ممالک کے درمیان قریبی تعاون کی دہائیوں پرانی تاریخ کو یاد کرتے ہوئے وزیر اعظم شہباز شریف نے دوطرفہ تعلقات کو مزید مستحکم کرنے کے لئے ٹرمپ انتظامیہ کے ساتھ مل کر کام کرنے کی پاکستان کی شدید خواہش کا اعادہ کیا۔