گیس اینڈ آئل پاکستان لمیٹڈ (گو) پاکستان میں کام کرنے والی ایک لائسنس یافتہ آئل مارکیٹنگ کمپنی ہے۔ یہ پٹرولیم مصنوعات اور لبریکنٹس کی خریداری، ذخیرہ، فروخت اور مارکیٹنگ کا کام کرتی ہے۔ گو ڈاؤن اسٹریم فیولز، لبریکنٹس اور سہولت اسٹورز کا ایک نمایاں آپریٹر بھی ہے، جو اسے پاکستان کی سب سے بڑی ریٹیل اور اسٹوریج کمپنیوں میں سے ایک بناتا ہے۔

سی سی پی کے مرجر تجزیے سے ظاہر ہوا ہے کہ اس حصول کے نتیجے میں متعلقہ مارکیٹ میں حصول کنندگان کا غلبہ نہیں ہوگا، اس لئے اس مرجر کی اجازت دے دی گئی۔ مرجر کی منظوری کا یہ فیصلہ کمپٹیشن کو فروغ دینے اور پاکستان میں منصفانہ کاروباری ماحول کو یقینی بنانے کے سی سی پی کے مشن سے ہم آہنگ ہے ۔ آرامکو کا یہ حصول پاکستان کے توانائی شعبے میں ایک اہم سنگ میل کی نشاندہی کرتا ہے اور اس سے ایندھن کی خوردہ مارکیٹ میں جدید مہارت اور ٹیکنالوجی کا استعمال ہو گا ۔ اس ٹرانزیکشن کے نتیجے میں کمپٹیشن کے فروغ ، سروس کے معیار کو بلند کرنے اور صارفین کو اعلیٰ معیار کی مصنوعات کی وسیع رینج فراہم کرنے کی توقع ہے۔

اس حصول سے پاکستان کے توانائی شعبے میں غیر ملکی براہ راست سرمایہ کاری آئے گی جس سے اقتصادی ترقی میں مدد ملے گی۔

اس کے ساتھ کمپنی کی بین الاقوامی سطح پر اپنی ڈاون اسٹریم ویلیو چین کو مضبوط کرنے کی حکمت عملی کو آگے بڑھانے میں مدد ملے گی۔

اس حصول سے کمپنی کی بین الاقوامی سطح پر اپنی ڈاون اسٹریم ویلیو چین کو مضبوط کرنے کی حکمت عملی کو آگے بڑھانے میں مدد ملے گی۔ یہ لین دین آرامکو کو اپنی بہتر مصنوعات کے لیے اضافی آؤٹ لیٹس کو محفوظ بنانے اور Valvoline برانڈڈ لبریکینٹس کے لیے نئے مارکیٹ مواقع فراہم کرنے کے قابل بنائے گا۔

آرامکو ڈاؤن اسٹریم کے صدر محمد وائی القحطانی نے گزشتہ سال دسمبر میں ایک بیان میں کہا تھا کہ اس سال ہمارا دوسرا منصوبہ بند خوردہ حصول آرامکو کی ڈاون اسٹریم توسیعی حکمت عملی سے ہم آہنگ ہے، جس میں دنیا بھر میں ایک مربوط ریفائننگ، مارکیٹنگ، لبریکنٹس، ٹریڈنگ اور کیمیکل پورٹ فولیو کو بڑھانے کے لیے ایک واضح راستہ ہے۔ گو کے پاس ذخیرہ کرنے کی قابل قدر گنجائش، اعلیٰ معیار کے اثاثے اور ترقی کی صلاحیت ہے، جو پاکستان میں آرامکو برانڈ کو شروع کرنے میں مدد کرے گی۔

کاپی رائٹ بزنس ریکارڈر، 2024