ایک بیان میں دفتر خارجہ نے کہا کہ پاکستان نے رواں ماہ شام میں ایرانی قونصلر دفتر پر حملے کے خطرات کی طرف اشارہ کیا تھا جو کہ پہلے سے ہی غیر مستحکم خطے میں ایک بڑی کشیدگی کا باعث تھا اور آج کی پیش رفت اس کے نتائج کو ظاہر کرتی ہے۔

بیان میں کہا گیا ہے کہ کئی مہینوں سے، پاکستان نے خطے میں جنگ کی توسیع کو روکنے اور غزہ میں جنگ بندی کے لیے بین الاقوامی کوششوں کی ضرورت پر زور دیا ہے۔

دفتر خارجہ نے کہا کہ یہ ایسے معاملات سنگین مضمرات کی نشاندہی کرتے ہیں جہاں اقوام متحدہ کی سلامتی کونسل بین الاقوامی امن و سلامتی کو برقرار رکھنے کی اپنی ذمہ داریاں پوری کرنے سے قاصر ہے۔

اب صورتحال کو مستحکم کرنے اور امن کی بحالی کی اشد ضرورت ہے۔

ایک بیان میں دفتر خارجہ نے جاں بحق ہونے والوں کے لواحقین کے ساتھ ہمدردی کا اظہار کیا اور زخمیوں کی جلد صحت یابی کی دعا کی۔

یہ بیان ایسے وقت میں آیا ہے جب ایران نے راتوں رات اسرائیل پر 300 سے زیادہ ڈرون اور میزائل داغے تھے، جن میں سے 99 فیصد کو مار گرایا گیا تھا۔

ایران نے یکم اپریل کو اپنے دمشق قونصل خانےہ پر فضائی حملے کے بدلے میں اسرائیل پر حملہ کرنے کی بارہا دھمکی دی تھی اور واشنگٹن نے حالیہ دنوں میں بار بار خبردار کیا تھا کہ جوابی کارروائیاں ہونے والی ہیں۔

دریں اثنا، وائٹ ہاؤس نے کہا کہ واشنگٹن “اسرائیل کے لوگوں کے ساتھ کھڑا رہے گا۔

اقوام متحدہ میں ایرانی مشن نے واشنگٹن کو خبردار کیا کہ وہ اسرائیل کے ساتھ ایران کے تنازعے سے دور رہے۔یہ ایران اور بدمعاش اسرائیلی حکومت کے درمیان تنازعہ ہے، جس سے امریکہ کو دور رہنا چاہیے.